EXCURSUS

Summary

DE TURBATIS ET DISSOLUTIS ORATIONIS CONNEXAE, MAXIME BIPERTITAE, MEMBRIS.

AD LIB. I C. 7, 23.

Dicam de re magna ex parte pervagata, sed dicendi causam habeo, primum ut ea corrigam, quae nuper de hac ipsa re non recte disputata sunt ab eiusmodi viro, qui multos auctoritate sua tracturus esse videatur, deinde ut ea, quae particulatim ab aliis animadversa et eommemorata sunt, coniungendo in clariore luce ponam et hinc progressus quaedam minus nota nequedum tractata adiungam.

Quae in lingva nondum per plura saecula prosae orationis litteris exculta facile dabatur venia libertatis cotidiani et familiaris sermonis in dialogis praesertim imitandae, quaque in eadem scribendi forma Plato interdum utitur, in libris de legibus, si eius sunt, abutitur, eam multae sunt causae cur Cicero in iis libris, quos de pbilosophia scripsit, ita sibi concessam putarit, ut interdum modum excedere videatur. Nam ut omnino in hoc genere disserendi et docendi saepe, sententiis iam coeptis et oratione adumbrata, multa oceurrunt, quae ad res definiendas et diligentius compreliendendas pertineant, ita multo magis orationis cursum retardari et institutum mutari necesse est, si qnis non suas sententias explicet, sed alienas et alio sermone ante expositas, suo nondum tractatas, breviter complecti et ex universis disciplinis decerptas particulatim perscribere conetur.