Memorandum quod tertiodecimo die Februarii venit hic coram venerabili patre Waltero de Langetone, Coventr' et Lyche' episcopo, thesaurario, Philippe de Wylughby cancellario de scaccario, Johanne de Cobham, Petro de Leyc' et Johanne de Insula, baronibus de eodem scaccario assidentibus eis venerabili patre Antonio Dunolm' episcopo, Johanne de Drokenesford' custode garderobe regis et aliis fidelibus ipsius regis, Hugo le Despenser proferens prefatis thesaurario et baronibus breve regis sub privato sigillo in hec verba:
Edwardus dei gratia rex Anglie etc., thesaurario et baronibus de scaccario suo, salutem. Mandamus vobis firmiter iniungentes quod ea que dilectus et fidelis noster Hugo le Despenser vobis ex parte nostra duxerit iniungenda credatis confidenter et studeatis efficaciter adimplere. Et hoc nullatenus omittatis. Dat' sub privato sigillo nostro apud Brandone Ferye' ix die Februarii, anno xxv.
