The convocation of 1529-36

Summary

The archbishop's mandate for the convocation

Willelmus, permissione divina Cantuariensis archiepiscopus, totius Angliae primas et apostolicae sedis legatus, venerabili fratri nostro Cuthberto, Dei gratia Londoniensi episcopo salutem et fraternam in Domino caritatem, literas domini nostri regis sigillo suo sigillatas nuper recepimus in haec verba:

Henricus, Dei gratia rex Angliae et Franciae et dominus Hiberniae, reverendissimo in Christo patri Iohanni, eadem gratia archiepiscopo Cantuariensi, salutem. Quibusdam arduis et urgentibus negotiis nos securitatem et defensionem Ecclesiae Anglicanae ac pacem, tranquillitatem, bonum publicum et defensionem regni nostri et subditorum nostrorum eiusdem concernentibus, vobis in fide et dilectione quibus nobis tenemini rogando mandamus quatenus praemissis debito intuitu attentis et ponderatis universos et singulos episcopos vestrae provinciae ac decanos et priores ecclesiarum cathedralium, abbates et priores et alios clericos, exemptos et non exemptos, necnon archidiaconos, capitula, conventus et collegia, totumque clerum cuiuslibet dioceseos eiusdem provinciae ad comparendum coram vobis in ecclesia Sancti Pauli Londoniarum vel alibi, prout melius expediri videatis, cum omni celeritate accommoda, modo debito convocari faciatis ad tractandum, consentiendum et concludendum super praemissis et aliis quae sibi clarius exponentur tune ibidem ex parte nostra. Et hoc sicut nos et statum regni nostri ac honorem et utilitatem ecclesiae praedictae diligitis, nullatenus omittatis. Teste meipso apud Westmonasterium decimo nono die Augusti anno regni nostri vicesimo primo [19 August 1529].

Quocirca fratemitati vestrae committimus et mandamus quatenus omnes et singulos dictae ecclesiae nostrae Cantuariensis suffraganeos infra dictam nostram Cantuariensem provinciam constitutos ac absentium episcoporum vicarios in spiritualibus generates, citetis peremptorie. Et eos decanos et priores ecclesiarum cathedralium et singula capitula earundem, archidiaconos, abbates, prioresque conventus sub se habentes et alios ecclesiarum praelatos, exemptos [et non exemptos], clerumque cuiuslibet dioceseos, provinciae nostrae praedictae citari peremptorie et praemoneri volumus et mandamus, quod iidem episcopi suffraganei nostri vicarii generales, decani, abbates, priores, archidiaconi ac ceteri ecclesiarum praelati, exempti et non exempti, personaliter, et quodlibet capitulum ecclesiarum cathedralium per unum, clerusque cuiuslibet dioceseos provinciae antedictae per duos sufficientes procuratores compareant coram nobis aut nostris in hac parte locum tenentibus, vel commissariis (si nos tune impediri contingit) in ecclesia Sancti Pauli Londoniarum, die Veneris quinto die mensis Novembris proxime futuri [5 November 1529] cum continuatione et prorogatione dierum extunc sequentium et locorum, ad tractandum super arduis et urgentibus negotiis securitatem et defensionem Ecclesiae Anglicanae ac pacem, tranquillitatem,