The Convocation of 1437

Summary

Acts of the convocation

[10 lr] Convocatio praelatorum et cleri Cantuariensis provinciae, facta per reverendissimum in Christo patrem et dominum Dominum Henricum, permissione divina Cantuariensem archiepiscopum, totius Angliae primatem et apostolicae sedis legatum, in ecclesia Sancti Pauli Londoniarum, die Lunae paenultimo die mensis Aprilis anno Domini MCCCCXXXVIImo et translations eiusdem reverendissimi patris anno vicesimo quarto.

Monday 29 April 1437

E[o]dem vero paenultimo die mensis Aprilis missa de Spiritu Sancto per dictum reverendissimum patrem apud summum altare in ecclesia Sancti Pauli Londoniarum, solemniter celebrata idem reverendissimus pater una cum confratribus suis dominis Willelmo Lincolniensi, Thoma Norwicensi, Thoma Menevensi, Thoma Wigorniensi, et Iohanne Assavensi episcopis protunc praesentibus ad capellam Beatae Mariae in orientali parte eiusdem ecclesiae accessit, et facta ibidem collatione solemni (ut moris est) in Latinis coram domino et dictis confratribus suis ac praelatis aliis quampluribus cleroque et populo in multitudine non modica congregatis per Magistrum Iohannem Carpenter sacrae paginae professorem ac magistrum hospitalis Sancti Antonii Londoniensis, et finita, lectum erat incontinenti certiflcatorium venerabilis patris Domini Roberti, Londoniensis episcopi, tenorem continens subsequentem:

The certificate of the bishop of London containing the archbishop's mandate

Reverendissimo in Christo patri et domino Domino Henrico, Dei gratia Cantuariensi archiepiscopo, totius Angliae primati et apostolicae sedis legato, ipsiusve locum tenentfem] vel commissarium in hac parte quibuscunque Robertus, permissione divina Londoniensis episcopus, oboedientiam et reverentiam tanto patri debitas cum honore. Commissionis vestrae literas quinto decimo die mensis Martii ultimo praeterito [15 March 1437] reverentiarecepimus tenorem qui sequitur continentes:

Henricus, permissione divina etc. venerabili fratri nostro Domino Roberto, Dei gratia Londoniensi episcopo, salutem et fraternam in Domino caritatem. Breve regium quarto decimo die instantis mensis Martii [14 March 1437] recepimus in haec verba:

Henricus, Dei gratia rex Angliae et Franciae et dominus Hiberniae, venerabili in Christo patri H[enrico] eadem gratia archiepiscopo Cantuariensi, totius Angliae primati, salutem.