Appendix C - The Dispute between the Friars and the University of Cambridge, 1303–6

Summary

This account is written on a roll, on paper, now in the Library of the Dean and Chapter of Durham. Three hands are discernible, but all are more or less of the same period. The roll is defective at the beginning.

…lauda … [Canta]brigie pro tota provin[cia]…ordine. Et minister provincialis anglie una cum aliis de maioribus suorum ordinum et provinciarum iverunt ad dicta generalia capitula celebranda. Quidam etiam superiores et maiores ipsorum ordinum propter contingentia ordines suos et provincias iter arripuerunt versus romanam curiam.

Post absentiam predictorum, magistri Cantebrigie commorantes ceperunt intendere circa editionem et promulgationem quorundam statutorum et super eis pluribus diebus tractare.

Et quum ilia statuta, de quibus edendis et publicandis tractabatur, tendebant in maximum preiudicium et derogationem multiplicem fratrum ordinum predictorum Cantebrigie commorantium, fratres qui ibidem remanserant non audebant huiusmodi statutorum editionibus sic preiudicialibus consentire nee ea dissimulare poterant superioribus suis, de quorum reditu sperabatur et in brevi sic agentibus in remotis.

Sed fratres predicti metuentes ilia statuta fieri subito et repente et solum in confusione dictorum conventuum redundare, et videntes ex tadturnitate et dissimulatione eis imminere pericula et gravamina intolerabilia, provocaverunt et appellarunt debitis loco et tempore ad sedem apostolicam ante editionem et publicationem ipsorum statutorum in modum qui sequitur in effectu.