Charter, &c.

Summary

Charta Fundationis Hen. 8^vi Anno regni sui 33^tio Apr. 3^tio Annoque Domini 1542°.

Henricus octavus Dei gratiâ Angliæ, Scotiæ, Franciæ, et Hiberniæ Rex, Fidei Defensor, et in terrâ Ecclesiæ Anglicanæ et Hiberniæ supremum caput, omnibus ad quos præsentes Literæ pervenerint Salutem: Sciatis quòd nos in augmentationem scientiarum, artium, eruditionum, virtatis; nec non ad bonorum studiorum ac morum incrementum ac ad specialem contemplationem, et humillimam requisitionem perdilecti et fidelis Consiliarii nostri Thomæ Audeley prænobilis Ordinis nostri Periscelidis Equitis, Dⁿⁱ de Walden, ac Cancellarii nostri Angliæ; de Gratiâ nostrâ speciali, ac ex certâ scientiâ et mero motu nostro, ad laudem et honorem Sanctæ Mariæ Magdalenæ quoddam Collegium perpetuis temporibus duraturum in fundo, terrâ, sive circuitu et præcinctu cujusdam loci nuper vocati Buckingham College, in almâ Academiâ sive universitate Cantabrigiæ situati et existentis; videlicet de uno Magistro et octo Sociisper præfatum Dominum Cancellarium, Hæredes et Assignatos suos nominandis, divina officia in dies ministraturis ac omnia et singula alia facturis et perimpleturis, juxta Ordinationes, Dispositiones, Provisiones et Statuta, quæ per prædictum Cancellarium nostrum, Hæredes, Executores vel Assignatos suos in eâ parte erunt ordinata, disposita et provisa: Tenore Præsentium fundamus, facimus, erigimus, creamus et stabilimus.