Appendix II - S 346

Summary

S 346, which was written in 889 and preserved at Worcester, records a grant of land and commercial privileges in london. The text below is taken from BCS, but has been repunctuated.

Sedulo namque nonnullis et maxime per instantis vitæ turbidam discordiæ rabiem in hac decrepita finis mundialis canitiæ contingere solet quod simplicem memorialis præcordii oculum turbines obliviose obscenitatis quatientes reverberant; seu nebulæ neglegentiarum nubiferis deprivationum fuscationibus a recte possessionis jure radiantem justitiæ Phoebum obnubilant; quapropter necesse cuilibet homini est ut litteratoriis apicibus omnia atquisita seu possessa ob præsentium sive succedentium cantelam quæ a catholicis vel heroicis viris cujuslibet persone majoris minorisve potestatis Deo ejusque sanctis per celorum celsitudinem tradita sunt etiam testimonio et roboratione ipsorum firme rationis serie firmentur rectoque caraxantis stilo in scedulis notentur.

Anno igitur postquam almifica cælestini luminis gemma per agrum virginalis pudicitiæ humano generi desiderabilis mistici spiraminis specimine enituit octingentesimo octuagesimo nono indictione. vii. cujus denique splendoris et gratiæ nobis jubare radiante ego Ælfred rex Anglorum et Saxonum et Æðelred subregulus et patricius Merciorum cum testimonio et licentia seu consensu senatorum episcoporum seu ducum utriusque gentis pro revelatione facinorum nostrorum et pro adquirenda deifice remunerationis requiæ Uuærfriðo eximio Huicciorum antistiti ad æcclesiam Uueogernensem in Lundonia unam curtem que verbotenus adad antiquum petrosum ædificium id est æt Hwætmundes stane a civibus appellatur a strata publica usque murum ejusdem civitatis.

Si qui vero ut non optamus serpentino suggestionis demonice toxico inflati huius tramitis seriem in aliquo temptaverint foedare noverint se cum Anna et Zaphira herebica aeterne anathematis machera perforandos nisi prius digna satisfactione emendare maluerint.

Haec autem sunt nomina illorum qui huic nostre donationi testes et consentientes fuerunt et trophico sancte crucis vexillo roborantes propriis manibus subscripserunt.

+ Ego Ælfred rex Anglorum et Saxonum hanc donationem confirmans signo crucis subscribo.

+ Ego Æþelred subregulus et patricius Merciorum hanc donationem signo crucis subscripsi.

+ Ego Æþelflæd consensi

+ Ego Uulfred episcopus consensi

+ ego Alhard episcopus consensi

+ Ego Uuærfrid episcopus consensi

+ ego Deneuulf episcopus consensi

+ Ego Uulfsige episcopus consensi