The first royal writ

Richardus, Dei gratia rex Angliae et Franciae et dominus Hiberniae, venerabili in Christo patri Willelmo, eadem gratia Cantuariensi archiepiscopo, totius Angliae primati, salutem. Quia certitudinaliter intelleximus quod inimici nostri Franciae et alii sibi adhaerentes inter se alligati et undique hostiliter congregati, multimode quaerunt et coniecturant qualiter nos et fideles nostros ecclesiam et regnum Anglicana miserabiliter conterere et destruere valeant, et ea maligna de causa dictum regnum nostrum accumulato toto posse so ad idem regnum et ecclesiam sanctam, nosque et totam linguam Anglicanam subvertenda invadere proponunt infra breve, nisi eis per nos gratia nobis favente divina cautius et virilius resistatur. Nos ex ferventi desiderio quod ad salvationem regni et ecclesiae praedictorum habemus de deliberato consilio praelatorum, magnatum et aliorum fidelium dicti regni nostri cum quibus communicavimus in hac parte, sumpsimus firmum propositum ad partes transmarinas fortiori exercitu et ad citius quo possumus in instanti aestate personaliter transmeare, ut sic impedito dictorum adversariorum nsotrorum imaginato proposito, ipsos magis offendere et debellare, succurrente nobis Altissimo, valeamus per quod sumptus ac census et expensas inaestimabiles effundere nos oportet. Verum quia ad ipsorum onerum et sumptuum supportationem absque maximo iuvamine fidelium nostrorum non sufficimus, sicut scitis; vobis in fide et dilectione quibus nobis tenemini, rogando mandamus quatenus tarn arduitate negotiorum praedictorum, quam grandibus periculis quae ecclesiae et regno praedictis oculata fide imminere conspicitis, attentis et debite consideratis, suffraganeos vestros, decanos et priores ecclesiarum cathedralium, abbates, priores, et alios electivos, exemptos et non exemptos, necnon archidiaconos, capitula, conventus et collegia, totumque clerum vestrarum dioceseos et provinciae ad comparendum coram vobis Londoniis ad certum diem citra mediam Dominicam quadragesimae proximo futuram [12 March 1385], more solito convocari faciatis; et eis dictis negotiis et periculis ibidem plenius expositis et declaratis, ipsos ad subsidium in hoc casu competens et necessarium in supportationem dictorum onerum et sumptuum nobis concedendum, eo specialius et cum efficacia qua magis sciveritis vel poteritis, tanta necessitate causante, inducatis, et partes vestras ad hoc effectualiter apponatis, nos in cancellaria nostra de quantitate subsidii illius, ac de terminis solutionis eiusdem certificantes. Et hoc sicut nos et honorem nostrum ac salvationem et defensionem ecclesiae et regni praedictorum diligitis, nullatenus omittatis. Teste meipso apud Westmonasterium, vicesimo quintodecimo die Ianuarii anno regni nostri octavo [15 January 1385].

The archbishop's mandate

Reverendo in Christo patri ac domino Domino Roberto, Dei gratia Cicestrensi episcopo, Richardus, permissione divina Londoniensis episcopus, salutem et sincerae dilectionis continuum incrementum. Literas reverendissimas in proprio patris et domini Domini Thomae, Dei gratia Cantuariensis archiepiscopi, totius Angliae primatis et apostolicae sedis legati, decimo octavo die praesentis mensis Octobris [18 October 1413] cum ea qua decuit reverentia recepimus, tenorem qui sequitur continentes:

The archbishop's mandate

Reverendo in Christo patri ac domino Domino Willelmo, Dei gratia Wintoniensi episcopo, Robertas, permissione divina Londoniensis episcopus, salutem et sinceram in Domino caritatem. Mandatum reverendissimi patris et domini Domini Willelmi, Dei gratia archiepiscopi Cantuariensis, totius Angliae primatis et apostolicae sedis legati, die vicesimo quinto praesentis mensis Aprilis [25 April 1384] recepimus in haec verba:

Willelmus, permissione divina Cantuariensis archiepiscopus, totius Angliae primas et apostolicae sedis legatus, venerabili fratri nostro Domino Roberto, Dei gratia episcopo Londoniensi, salutem et fraternam in Domino caritatem. Ingens et indissimulata negotiorum necessitas arduorum nedum Anglicanae concernentium utilitatem Ecclesiae, sed etiam domini nostri regis et regni sui statum, tranquillitatemque quietis eiusdem ac bonum publicum, (ut speramus), multipliciter nos urget, licet cum fastidio, praelatos et clerum nostrae Cantuariensis provinciae convocare et ad hoc etiam faciendum, cum frequenti et assidua ipsius regis nostri instantia, breve regium recepimus in haec verba:

Acts of the convocation

[17r] Convocatio praelatorum et cleri Cantuariensis provinciae, facta per reverendissimum in Christo patrem et dominum Dominum Henricum, permissione divina Cantuariensem archiepiscopum, totius Angliae primatem et apostolicae sedis legatum, in ecclesia Sancti Pauli Londoniarum, die Lunae paenultimo die mensis Octobris, anno Domini MCCCCXIXno, indictione tertia decima, pontificatus sanctissimi in Christo patris et domini Domini Martini, divina providentia papae quinti anno secundo, et translationis dicti reverendissimi patris anno sexto.

Monday 30 October 1419

Quo die Lunae, paenultimo Octobris praefatus reverendissimus pater archiepiscopus de manerio suo Lambeth iter arripiens porrexit ad ecclesiam Sancti Pauli praedictam, ibidemque ad summum altare eiusdem ecclesiae missam de Sancto Spiritu pro feliciori expeditione convocationis huiusmodi solemniter celebravit, assistentibus sibi in celebratione eiusdem missae venerabilibus patribus dominis Richardo Dei gratia Londoniensi, [Nichola]216 Bathonensi, Benedicto Menevensi, Iohanne Landavensi, Edmundo Herefordensi, Iohanne Sarum, Willelmo Bangorensi, et Henrico Cicestrensi, episcopis. Et finita missa, idem reverendissimus pater archiepiscopus cum praedictis confratribus suis episcopis aliisque praelatis et clero provinciae suae in multitudine non modica accessit ad capellam Beatae Mariae dictae ecclesiae Sancti Pauli, et statim ibidem coram eis, venerabilis et religiosus vir frater Iohannes Langdon monachus ecclesiae cathedralis Cantuariensis, sacrae paginae professor, laudabiliter proposuit verbum Dei, sumpto sibi pro themate:’ Voca operarios et redde illis mercedem’; qua collatione finita, incontinenti de mandato praefati reverendissimi patris lectum fuit certificatorium venerabilis patris Londoniensis episcopi praedicti de et super executione mandati alias sibi per praefatum reverendissimum patrem pro huiusmodi convocatione transmissi, cuius quidem certificatorii tenor de verbo ad verbum sequitur et est talis:

The certificate of the bishop of London containing the archbishop's mandate and the royal writ

Reverendissimo in Christo patri et domino Domino Henrico, Dei gratia Cantuariensi archiepiscopo, totius Angliae primati et apostolicae sedis legato, ipsiusve locum tenentibus seu commissariis in hac parte quibuscunque, Richardus permissione divina Londoniensis episcopus, oboedientiam et reverentiam tanto patri debitas cum honore. Literas vestras septimo die mensis Septembris ultimo praeteriti [7 September 1419], cum reverentia qua decuit, recepimus tenorem qui sequitur continentes:

Henricus, permissione divina etc., venerabili fratri nostro Domino Richardo, Dei gratia Londoniensi episcopo, salutem et fraternam in Domino caritatem.

The archbishop's mandate

Willelmus, permissione divina Cantuariensis archiepiscopus, totius Angliae primas et apostolicae sedis legatus, venerabili fratri nostro Domino Roberto, Dei gratia episcopo Londoniensi salutem et fraternam in Domino caritatem. Ingens et indissimulata negotiorum necessitas arduorum nedum Anglicanae concernentium utilitatem sed etiam domini nostri regis Angliae et regni sui, statumque et tranquillitatem eiusdem regni ac bonum publicum (ut speramus) multipliciter nos urget, licet cum fastidio, praelatos et clerum nostrae Cantuariensis provinciae convocare, et ad hoc etiam faciendum, breve regium recepimus in haec verba:

The royal writ for a convocation on 13 February 1402

Henricus, Dei gratia rex Angliae et Franciae et dominus Hiberniae, venerabili in Christo patri Thomae, eadem gratia archiepiscopo Cantuariensi, totius Angliae primati, salutem. Quibusdam arduis et urgentibus negotiis nos et statum regni nostri ac honorem et utilitatem Ecclesiae Anglicanae intime concernentibus, vobis in fide et dilectione quibus nobis tenemini rogando mandamus quatenus praemissis debito intuitu attentis et ponderatis, universos ac singulos episcopos Cantuariensis provinciae, decanos et priores ecclesiarum cathedralium, abbates et priores et alios electivos, exemptos et non exemptos, necnon archidiaconos, capitula, conventus et collegia totumque clerum cuiuslibet diocesis vestrae provinciae ad comparendum coram vobis in ecclesia cathedrali Sancti Pauli Londoniarum, vel alibi prout melius expedire videritis, die Lunae in prima septimana Quadragesimae proximo futuro [ 13 February 1402] more solito convocari faciatis ad tractandum, concordandum, consentiendum et concludendum super praemissis et aliis quae sibi clarius exponentur tune ibidem ex parte nostra. Et hoc sicut nos et statum dicti regni ac honorem nostrum ac honorem et utilitatem ecclesiae praedictae diligitis, nullatenus omittatis. Teste me ipso apud Westmonasterium, quarto die Ianuarii anno regni nostri tertio [4 January 1402].

The royal writ for a convocation before 30 September 1402

Henricus, Dei gratia rex Angliae et Franciae et dominus Hiberniae, venerabili in Christo patri et domino Domino Thomae, eadem gratia archiepiscopo Cantuariensi, totius Angliae primati, salutem. Quibusdam arduis et urgentibus negotiis nos et statum regni nostri ac honorem et utilitatem Ecclesiae Anglicanae contingentibus, intime concernentibus, vobis in fide et dilectione quibus nobis tenemini rogando mandamus, quatenus praemissis debito intuitu attentis et ponderatis, universos et singulos episcopos Cantuariensis provinciae, ac decanos et priores ecclesiarum cathedralium, abbate set priores et alios electivos, exemptos et non exemptos, necnon archidiaconos, capitula, conventus et collegia, totumque clerum cuiuslibet diocesis eiusdem provinciae, ad comparendum coram vobis in ecclesia cathedrali Sancti Pauli Londoniarum, vel alibi prout melius expedire videritis, citra crastinum Sancti Michaelis proximo futurum [30 September 1402] more solito convocari faciatis, ad tractandum, concordandum, consentiendum et concludendum super praemissis et aliis quae sibi clarius exponentur tune ibidem ex parte nostra, et hoc sicut nos et statum dicti regni nostri et honorem et utilitatem ecclesiae praedictae diligitis, nullatenus omittatis. Teste meipso apud Westmonasterium, vicesimo die mensis Iulii anno regni nostri tertio [20 July 1402].

Acts of the convocation

[62v] Convocatio praelatorum et cleri provinciae Cantuariensis facta per reverendissimum in Christo patrem et dominum Dominum Thomam, Dei gratia Cantuariensem archiepiscopum in ecclesia Sancti Pauli Londoniarum, vicesimo quarto die mensis Novembris anno Domini secundum cursum et computationem Ecclesiae Anglicanae millesimo CCCC quarto [24 November 1404] indictione tertiodecimo, pontificatus sanctissimi in Christo patris et domini nostri Domini Innocentii divina providentia papae septimi, anno primo et translationis dicti reverendissimi patris archiepiscopi anno nono.

Monday 24 November 1404

Dicto vicesimo quarto die mensis Novembris, missa de Sancto Spiritu ad summum altare ipsius cathedralis ecclesiae more solito solemniter celebrata, et deinde facta collatione in capella Beatae Mariae eiusdem ecclesiae coram eodem reverendissimo patre et suis suffraganeis ac aliis praelatis et clero dictae suae Cantuariensis provinciae tune ibidem praesentibus, et deinceps certificatorio venerabilis patris Domini Henrici, Dei gratia Lincolniensis episcopi de et super convocatione huiusmodi, cuius tenor sequitur in haec verba:

Reverendissimo in Christo patri ac domino Domino Thomae, Dei gratia Cantuariensi archiepiscopo, totius Angliae primati et apostolicae sedis legato, Henricus, permissione divina Lincolniensis episcopus oboedientiamve reverentiam et honorem tanto patri debitos, cum omnimoda subiectione tarn debita quam devota, mandatum vestrum reverendissimum nobis vicesimo tertio die mensis Octobris ultimo iam praeterito [23 October 1404] cum ea qua decuit reverentia recepimus in haec verba:

The archbishop's mandate

The archbishop's mandate

[276r] Willelmus, permissione divina Cantuariensis archiepiscopus, totius Angliae primas et apostolicae sedis legatus, venerabili fratri nostro Domino Roberto, Dei gratia episcopo Londoniensi salutem et fraternam in Domino caritatem. Ingens et indissimulata negotiorum necessitas arduorum nedum Anglicanae concementium utilitatem Ecclesiae, sed etiam domini nostri regis et regni sui statumque et tranquillitatem eiusdem regni ac bonum publicum, (ut speramus), multipliciter nos urget, licet cum fastidio, praelatos et clerum nostrae Cantuariensis provinciae convocare et ad hoc etiam faciendum breve regium recepimus in haec verba: