The Convocation of 1380

Summary

The writ of Bishop Hatfield of Durham with his protest

Thomas, permissione divina episcopus Dunelmensis dilectis filiis priori et capitulo ecclesiae Dunelmensis salutem et fraternam in Domino caritatem. Commissionis literas venerabilis in Christo patris Domini Alexandri archiepiscopi Eboracensis, Angliae primatis et apostolicae sedis legati, cum protestatione debita et consueta recepimus sub hac forma:

Alexander, permissione divina Eboracensis archiepiscopus, Angliae primas et apostolicae [sedis] legatus venerabili fratri nostro Domino Thomae, Dei gratia Dunelmensi suffraganeo nostro, salutem et fraternam in Domino caritatem. Breve regium nuper recepimus in haec verba:

Richardus, Dei gratia rex Angliae et Franciae, dominus Hiberniae, venerabili in Christo patri Alexandro, eadem gratia Eboracensi archiepiscopo, Angliae primati, salutem. Qualiter inimici nostri Franciae et alii sibi adhaerentes inter se alligati et undique hostiliter congregati regnum nostrum Angliae per terrain et per mare saepius invaserint, mala quamplurima et intolerabilia nobis et ligeis nostris inferendo, et non solum de hoc contenti dictum regnum nostrum et ecclesiam sanctam nosque et totam linguam Anglicanam subvertere et destruere de die in diem totis viribus se conantur, nisi eorum malitiae, adiuvante Deo, fortius resistatur, vos non credimus ignorare; unde in salvationem status ecclesiae sanctae, regni ac populi nostrorum necessariam defensionem, sumptus ac census et expensas inestimabiles effundere nos oportet, verum quod ad ipsorum onerum ac sumptuum supportationem absque iuvamine fidelium nostrorum non sufficimus, sicut scitis; vobis in fide et dilectione quibus nobis tenemini, rogando mandamus quatenus consideratis tarn arduitate negotiorum praedictorum, quam grandibus periculis quae ecclesiae et regno praedictis oculata fide imminere conspicitis, attentis et debite consideratis, suffraganeos vestros, decanos et priores ecclesiarum cathedralium, abbates et priores, et alios electivos, exemptos et non exemptos, necnon archidiaconos, capitula, conventus et collegia, totumque clerum cuiuslibet dioecesis dictae provinciae ad comparendum coram vobis in ecclesia cathedrali Sancti Petri Eboracensis vel alibi, prout expediri videritis, ad breviorem diem quern poteritis, more solito convocari faciatis; et eis dictis negotiis et periculis ibidem plenius expositis et declaratis, et ipsos ad subsidium in hoc casu competens et necessarium in supportationem dictorum onerum et sumptuum nobis concedendum eo specialius, et cum efficacia qua magis sciveritis, vel poteritis, tanta necessitate causante, inducatis, et partes vestras ad hoc effectualiter apponatis, nos in cancellaria nostra de quantitate subsidii illius, ac de terminis solutionis eiusdem certificantes. Et hoc sicut nos et honorem nostrum ac salvationem et defensionem ecclesiae et regni praedictorum diligitis nullatenus omittatis. Teste meipso apud Westmonasterium secundo die Decembris, anno regni nostri tertio [2 December 1379].