The Convocation of 1376

Summary

A proxy for convocation issued by the chapter of York Minster

It appears that a convocation was initially called for Monday 28 April 1376, since the York chapter issued a proxy for it on 1 April 1376, containing the following names:

Richard de Ravenser, archdeacon of Lincoln.

William de Scunthorpe, monk of York.

John de Fordham, monk of York.

Michael de Ravensdale, monk of York.

Adam de Thorp, monk of York.

The archbishop's mandate for the convocation

Alexander [permissione divina Eboracensis archiepiscopus, Angliae primas et apostolicae sedis legatus], venerabili fratri nostro Domino Thomae, Dei gratia Dunelmensi episcopo, suffraganeo nostro, salutem et sinceram in Domino caritatem. Quia ex causis variis ecclesiae statum et libertatem cleri, honorem et utilitatem ac rei publicae commodum et tranquillitatem concernentia, praelatos et clerum nostrarum diocesis et provinciae decrevimus convocari et super praemissis et ea concernentibus ad Dei laudem, morum reformationem et vitiorum extirpationem cum eisdem habere possumus concilium et tractatum, nihilominus breve regium vobis nuperrime directum recepimus in haec verba:

Edwardus, Dei gratia rex Angliae et Franciae et dominus Hiberniae, venerabili in Christo patri Alexandro, eadem gratia archiepiscopo Eboracensi, Angliae primati, salutem. Quia propter salvationem status Ecclesiae Anglicanae ac necessariam defensionem regni nostri Angliae sumptus ac census et expensas quamplurimas effundere nos oportet ad quorum onerum supportationem absque iuvamine fidelium nostrorum non sufficimus sicut scitis. Vobis in fide et dilectione quibus nobis tenemini rogando mandamus quatenus attentis tarn arduitate negotiorum praedictorum quam periculis quae pro defectu defensionis huiusmodi verisimiliter evenire possent suffraganeos vestros decanos et priores ecclesiarum cathedralium, abbates et priores et alios electivos exemptos et non exemptos, necnon archidiaconos, capitula, conventus et collegia, totumque clerum cuiuslibet diocesis dictae vestrae provinciae ad comparendum coram vobis in ecclesia cathedrali Sancti Petri Eboracensis vel alibi prout expedire videritis ad breviorem diem quam poteritis more solito convocari faciatis et expositis eis dictis negotiis ibidem ipsos ad aliquod competens subsidium nobis in auxilium supportationis dictorum onerum concedendum cum efficacia inducatis et partes vestras ad hoc effectualiter apponatis. Nos in cancellaria nostra de quantitate subsidii illius ac de terminis solutionis eiusdem certificantes. Et hoc sicut nos et honorem nostrum ac salvationem et defensionem regni et ecclesiae praedictorum diligitis nullatenus omittatis. Teste rege apud Westmonasterium vicesimo quarto die Aprilis [24 April 1376].