The convocation of 1489

Summary

Acts of the convocation

Convocatio praelatorum et cleri Cantuariensis provinciae facta auctoritate reverendissimi in Christo patris et domini Domini Iohannis Morton, Dei gratia Cantuariensis archiepiscopi etc., in ecclesia cathedrali Sancti Pauli Londoniarum, quarto decimo die mensis Ianuarii anno Domini millesimo CCCC octuagesimo octavo, indictione septima, pontificatus sanctissimi in Christo patris et domini nostri Domini Innocentii, divina providentia papae octavi, anno quarto, et translationis dicti reverendissimo in Christo patris anno tertio inchoata [14 January 1489] et usque ad et in vicesimum tertium diem mensis Octobris proximo extunc sequentis [23 October 1489] continuata.

The archbishop's mandate

Iohannes, permissione divina Cantuariensis archiepiscopus, totius Angliae primas et apostolicae sedis legatus, venerabili fratri nostri Thomae, Dei gratia Londoniensi episcopo, salutem et fraternam in Domino caritatem, literas domini nostri regis sigillo suo sigillatas nuper recepimus in haec verba:

Henricus, Dei gratia rex Angliae et Franciae et dominus Hiberniae, reverendissimo in Christo patri Iohanni, eadem gratia archiepiscopo Cantuariensi, salutem. Quibusdam arduis et urgentibus negotiis nos securitatem et defensionem Ecclesiae Anglicanae ac pacem, tranquillitatem, bonum publicum et defensionem regni nostri et subditorum nostrorum eiusdem concernentibus, vobis in fide et dilectione quibus nobis tenemini rogando mandamus quatenus praemissis debito intuitu attends et ponderatis universos et singulos episcopos vestrae provinciae ac decanos et priores ecclesiarum cathedralium, abbates et priores et alios clericos, exemptos et non exemptos, necnon archidiaconos, capitula, conventus et collegia, totumque clerum cuiuslibet dioceseos eiusdem provinciae ad comparendum coram vobis in ecclesia Sancti Pauli Londoniarum, vel alibi, prout melius expediri videatis, cum omni celeritate accommoda, modo debito convocari faciatis ad tractandum, consentiendum et concludendum super praemissis et aliis quae sibi clarius exponentur tune ibidem ex parte nostra. Et hoc sicut nos et statum regni nostri ac honorem et utilitatem ecclesiae praedictae diligitis, nullatenus omittatis. Teste meipso apud Westmonasterium, decimo nono die Novembris anno regni nostri quarto [19 November 1488].

Quocirca fraternitati vestrae committimus et mandamus quatenus omnes et singulos dictae ecclesiae nostrae Cantuariensis suffraganeos infra dictam nostram Cantuariensem provinciam constitutos ac absentium episcoporum vicarios in spiritualibus generates, citetis peremptorie. Et eos decanos et priores ecclesiarum cathedralium et singula capitula earundem, archidiaconos, abbates, prioresque conventus sub se habentes et alios ecclesiarum praelatos, exemptos [et non exemptos], clerumque cuiuslibet dioceseos,